NUNCA CHOVEU QUE NON ESCAMPARA

COMPAÑEIRO, SEI TOCARE

Que tal o pasamos?

BARCELONA!!!

TRABALLOS PARA A PRÓXIMA SEMANA

Xa sabedes que non estarei durante esta semana. Para que non me botedes moito de menos, estes son os traballiños que, na miña ausencia, teredes que facer nos días de clase na vosa libreta:

Para os de PDC: 

Despois de ler as páxinas 176 e 177, facede os exercicios 6 e 7. Inventade un diálogo entre un pai e un adolescente que non quere recoller o seu cuarto. Facede tamén unha descrición do voso cuarto.

Estudade as páxinas 200, 201, 202, 203, 204, 205 e 206 do libro de texto, facede un resumo (ben feito) e contestade ás preguntas 10, 11, 12, 14, 15, 16,17 e 19.

Estudade as páxinas 220, 221 e 222 do libro de texto, facede un resumo (ben feito) e contestade ás preguntas 4, 5 e 6. Facede tamén os exercicios 18 e 19 da páxina 224.

Andreina e Claudibel tedes que enviar ao meu correo (idenieves@yahoo.es) un traballo sobre as principais potencias industriais.

Para os terceiros A e B:

Repartide o traballo nos tres días: o primeiro día lede a páxina 96 do libro de texto e facede os exercicios 1, 2, 3, 5, 6, 7 da páxina 97.

O segundo día lede a páxina 116 e facede os exercicios 1, 2, 3, 4, 5, 6, 8, 10, 11 da páxina 117.

O terceiro día lede a páxina 138 e facede os exercicios 1, 2, 3, 4, 7, 8, 9 da páxina 139.

Pedirei estes exercicios o primeiro día de clase. 

8 DE MARZO: DÍA DA MULLER

Adela Turín é unha historiadora da arte e escritora italiana, fundadora da editorial 

"Dalla parte delle bambine", onde publica

 libros a favor das nenas. 

Traducidos a varios idiomas e publicados en diferentes países, a maioría dos contos de Adela Turín, como Arturo y Clementina, Historia de los bonobos con gafas, Una feliz catástrofe, Rosa Caramelo, Cañones y Manzanas, Los gigantes orejudos, La chaqueta remendada, Las hierbas mágicas…, consérvanse frescos e de actualidade na defensa dunha educación máis igualitaria para as nenas e as mulleres.

Neste Día Internacional da muller, Rita Vázquez le para tod@s nós o conto Rosa Caramelo.

COMIDAS NO MOSTEIRÓN...

As comidas dos luns na sala de profesores do noso instituto xa teñen un novo aliciente!

A idea partiu de Ángeles, a profesora de Física, hai unhas semanas. A súa proposta era formar un club de lectura. O resto das "comilonas" (Josefa, Isabel, Rosa, Belén e Inés) aceptamos rapidamente, e xa ese mesmo día pensamos cal sería a primeira lectura: A cea, do escritor holandés Herman Koch.

A novela é moi interesante e presenta, entre outras reflexións, a idea de canto e que estamos dispostos a facer por amor aos fillos...

A experiencia está resultando un éxito e xa andamos a voltas co quinto libro, a novela gráfica Arrugas, de Paco Roca.
As lecturas seguintes serán:
La estepa infinita, Esther Hautzig
Pyongyang, Guy Delisle
La sonrisa etrusca, José Luis Sampedro
El último encuentro, Sándor Márai
La última noche, James Salter
Carta de una desconocida, Stefan Zweig
La nieta del señor Linh, Philippe Claudel
El gato, Georges Simenon

Curso 2014/2015

La ridícula idea de no volver a verte, Rosa Montero
El olvido que seremos, Héctor Abad Faciolince
A desaparición de Esme Lennox, Maggie O´Farrell
Distintas formas de mirar el agua, Julio Llamazares
La voz dormida, Dulce Chacón
La buena letra, Rafael Chirbes
Las viudas de los jueves, Claudia Piñeiro
La oculta, Héctor Abad Faciolince

DISCRIMINACIÓN DE XÉNERO

No tema do sistema económico actual, da economía de mercado, falamos onte en PDC da incorporación da muller a todos os postos de traballo e a loita por eliminar as diferenzas salariais entre sexos.

Vimos na clase esta curta sobre a discriminación de xénero no traballo...

OS POETAS DE TERCEIRO

O alumnado de 3*PDC leu haikus, aprendeu a súa estrutura e características e fixo os seus propios poemas tomando como fonte de inspiración as súas fotografías favoritas de Chema Madoz. Aquí tedes o resultado: son ou non son poetas?

En aquel banco

sobre piedra tumbado
tan solitario

                                Sebastián Álvarez Moreno

Algunas puertas

abren caminos cortos

y otras largos

                       Bianca Santiago Taboada

           

Las dos cerezas

sobre ambos extremos
balanceándose

                            L. Claudibel Rodríguez

Dos direcciones

un único sentido

lazos atados 

                     Leticia Seijo Boado

Lo reservado

sale antes a la luz
la curiosidad

                                Cristian Roel Gómez

Paso a paso

las notas musicales

siguen tu ritmo

               Santiago da Quinta Romero

Una palabra

me dijo cosas de ti

que no sabía

                               Andreína Gómez Hernández

La rama muere

renacen sus cenizas

¡Pequeño árbol!

                         Alba Fernández Suárez 

OS POEMAS VISUAIS DE CHEMA MADOZ

As fotografías do artista madrileño Chema Madoz (Premio Nacional de Fotografía no 2000) recollen imaxes extraídas de hábiles xogos de imaxinación e son consideradas “poemas visuais”. Coma os poetas, Madoz ten  a habilidade de falar de mundos que están aí, pero que só el ve. É capaz de remexer o banal e convertir o gris en poesía, espertando así a nosa intelixencia. Na súa fotografía, nada é o que parece, xa que se sitúa na delicada fronteira que existe entre o real e o imaxinario, dando como resultado imaxes cheas de ironía, paradoxo ou sentido do humor.

El mesmo recoñece a proximidade da súa obra ao espírito dos haikus xaponeses: “Comparto con eles  a intención de transmitir cousas co mínimo posible”.

O HAIKU

En PDC estamos traballando esta semana cunha forma de poesía tradicional xaponesa: o haiku.

O haiku é un poema breve que consta de tres versos de cinco, sete e cinco sílabas, sen rima, e baséase no asombro e arroubo que produce no poeta a contemplación da natureza, da vida cotiá. O seu estilo é natural e sinxelo, sutil, austero, parécese ao que dicimos falando.
Na literatura galega temos moitos poetas do haiku: Uxío Novoneyra, Marilar Aleixandre, Xoán Abeleira...

Nesta presentación tedes máis información:

Pronto veredes os nosos haikus!