Francisco Giner de los Ríos (finado en Madrid o 17 de febreiro de 1915) foi un filósofo, pedagogo e ensaísta español, fundador e director da Institución Libre de Enseñanza.
O seu propósito foi crear homes cultos, íntegros, coa idea de que os cambios os producen os homes, non as rebelións nin as guerras. Defende a coeducación e o recoñecemento explícito da muller en pé de igualdade co home.
Na pedagoxía de Giner os profesores inflúen nos seus alumnos non pola autoridade, senón polo seu coñecemento, a súa sabedoría. Era unha escola eminentemente práctica, na que cada alumno tiña un caderno, e non un libro académico, co que traballaba. Os exames memorísticos non existían e as excursións eran frecuentes: a museos, fábricas, ao campo...
Nesta institución colaboraron, ou foron alumnos, personaxes destacados como Antonio Machado, Juan Ramón Jiménez, Luis Buñuel, Miguel de Unamuno, Federico García Lorca, Salvador Dalí...
Despois da Guerra Civil, todo o relativo a Giner, xa que era sinónimo de liberdade, foi prohibido polo réxime franquista.
No hay comentarios:
Publicar un comentario